لكل بنت اعملى كدة علشان ما تتعرضيش لمواقف اختطاف او سرقة!!

نظرا لتعدد حالات الاختطاف وفى ظل الظروف الحاليه فى مصر يرجى عمل الاتى:

1- وانتى راكبة فى المواصلات خلى بالك من شنطتك وامسكيها كويس لانها ممكن تتفتح وانتى مش واخدة بالك وتتسرق منها الفلوس بخفة يد

2- وانتى بتصرف فلوس من الفيزا ياريت متروحيش لوحدك عن ماكينة الصرف لان الحرامى بيبقى  متربص ومستنى اللى يصرف من الماكينة علشان يسرقه

3-متركبيش تاكسى لوحدك ابدا ولا الصبح ولا بليل لاى ظرفحتى لو فى حد راكب فى التاكسى متركبيش لانهم احيانا بيكونوا متفقين مع بعض

…2-المكروباصات متركبهاش وتكون فاضيه او كلها رجاله لان حصل اختطاف من مكروباصات وكانت ماشيه فالخط لكن الركاب كانو تبع السواق

…3-متمشيش لوحدك فالشوارع الجانبيه سواء الصبح او بليل..وطبعا الشوارع الخاليه من الماره ابعدى عنها تماماااااا حتى لو هتتاخرى شوية اختارى شوارع فيها ناس وامشى فيها

4-رجاء رجاء رجاء مش هقولك عشان خاطر ربنا بس هقولك عشان خاطر نفسك انتى مش حد تانى اتخلى شويه عن اللبس الضيق…معلش استحملى شويه لا بس تكونى لابسة لبس لائق وابعدى عن المياعة فى المشى

5-البنات اللى بتروح دروس او كورسات بليل حصل حالات اختطاف من هناك ياريت لو ابتدائى او اعدادى او حتى ثانوى حد يوصلها ويروح معاها من اهل بيتها

6-حاجه مهمه جدااا بقى لازم تتعمل..لازم كل واحده تكون حاطه معاها حاجه فشنطتها حمايه ليها(صاعق كهربائى-اسبراى اللى بيتحط فيه الشطه-لو مش عارفه تشتريه اعمليه انتى فالبيت اشترى ازازه برفان بتاعت التركيب من اى محل واعملى انتى المكونات وتكون طبعا حاميه جداا-لو مش عارفه تشترى او تعملى حاجه من الحاجات دى ولو وصل الامر حطى اى اسبريه من الحاجات بتاعت الحشرات والله مش بهزر لان التركيبه بتاعتها مؤثره برده-اى وسيله لازم تبقى معاكى فالشنطه)

وتكونى مستعده فاى وقت وفاى لحظه ومتخافيش محدش هيفتشك ولا هيقولك افتحى شنطتك

7-الناس اللى بتسافر سواء رجاله او ستات بقى حصل ان بيلاقو عالطريق حد مرمى قدامهم فبينزلو يشوفوه وفجاه يتلاقو ناس طلعت من الجنب ياريت تخلى بالكو كويس اوى

8-اخيرا طبعا النصايح العاديه محدش يقولك شيلى دى او ساعدينى ف دى او تعالى

امسكيلى حاجه الخ الخ الخ